ШРИ ЛАНКА - ПАКЕТ ИЗЛЕТИ ВКЛУЧЕНИ ВО ЦЕНАТА НА АРАНЖМАНОТ
.png)
Шри Ланка Експедиција
Ве носиме на авантура во егзотична и посебна земја, која ја викаат и бисер на Индискиот океан - Шри Ланка (Sri Lanka) .
Шри Ланка била позната од раните арапски трговци како „Serendib“, име од кое произлегува англискиот збор „serendipity“ – збор кој ја опишува среќата кога ќе наидеме на нешто вредно!
Незаборавна авантура на овој весел остров во Индискиот Океан, истражуваме неверојатни палати, антички градови и тврдини, живописни џунгли и прекрасни будистички храмови. Нашата авантура не носи низ градини на зачини и бујни плантажи на чај, каде можете да пробате оригинален Ceylon чај, а во меѓувреме внимаваме на слонови кои слободно се движат по улиците на овој магичен остров!
Шри Ланка се наоѓа во Индискиот океан, јужно од Индија (India), а богата со прекрасни плажи, неверојатна природа и долга традиција и култура. Ве носиме на дружење со љубезното локално население, на една незаборавна експедиција. Необично патување низ џунглите на централниот дел на островот, посета на познатите будистички храмови, локалитети под заштита на УНЕСКО, берење и дегустација на чај, хранење слонови, масажи на плажа на зајдисонце, сурфање.
Нашата експедиција ја започнуваме во Негомбо во хотел на самата плажа. Потоа нашата авантура ја продолжуваме кон Пинавала -- во резерват за слонови каде имаме ретка прилика да се "дружиме" со овие прекрасни суштества. Па продолжуваме кон Сигирија -- каде ја посетуваме познатата лавовска карпа и тврдина до која треба да искачиме 1200 скали. Експедицијата не носи и во Дамбула каде ги посетуваме 5-те храма во пештера и Златниот Храм. Продолжуваме во Кенди, а попатно правиме тура низ плантажи со зачини и билки. Ја посетуваме најубавата ботаничка градина на Шри Ланка -- Пераденија и фабрики за обработка на скапоцени и полу-скапоцени камења. Потоа продолжуваме кон една од најуникатните градби на цел свет -- кулата Амбулувава, го посетуваме и храмот на Светиот Заб на Буда -- едно од најсветите места на Будистите на целсвет! Следниот ден ја посетуваме и најпознатата плантажа за чај, каде пробуваме и оригинален Ceylon чај. Се сместуваме и во Ела, планинско градче лоцирано на 1000 метри надморска кое е опколено со живописни џунгли, водопади и карпести формации. Потоа авантурата не носи на некои од најубавите плажи на цел остров во Хикадува, а го посетуваме и познатото рибарско село Велигама! Експедицијата продолжува во единствениот рудник за Moonstone на целсвет, а имаме ретка прилика да посетиме и фарма за желки!
Остров за уживање, остров за восхитување.
‼️‼️ СИТЕ ФАКУЛТАТИВНИ ИЗЛЕТИ СЕ ВКЛУЧЕНИ ВО ЦЕНАТА НА АРАНЖМАНОТ ЗА ШРИ ЛАНКА - ЕКСПЕДИЦИЈА‼️‼️
Рута
Скопје
Истанбул
Коломбо (Colombo)
Сигирија
Кенди (Kandy)
Ела
Мириса
Коломбо (Colombo)
Истанбул
Скопје
- Превоз
- Авион, Локален трансфер, Воз
- Сместување
- Хотел, Guesthouse
- Организатор
- ЦЕЛ СВЕТ ДОО СКОПЈЕ Скопје, Македонија
- Видови патувања
- Експедиции
- Дестинации
- Шри Ланка
- Код на патување
- LK12
- Тежина
- Погодно за деца
- Не
План и програма
Планот и програмата важи за следните поаѓања 9. 5. 2025
Состанок на патниците на Меѓународниот Аеродром во Скопје. Лет од Скопје за Истанбул со Turkish Airlines, пристигнување во Истанбул. Преседнување на лет за Коломбо, Шри Ланка. Започнува нашата незаборавна авантура на еден од најживописните и весели острови во Индискиот Океан.
Превоз
- Индивидуален авио билет со сите такси на релација Скопје - Истанбул (Turkish Airlines), во економска класа со вклучен багаж.
- Индивидуален авио билет со сите такси на релација Истанбул - Коломбо (Turkish Airlines), во економска класа со вклучен багаж.
Место
- Скопје
- Истанбул
Пристигнуваме во Коломбо во утринските часови. Добредојдовте во земјата на вкусови, бивши Сејлон, денешна Шри Ланка, земјата на чаеви, скапоцени камења, насмеани луѓе и неверојатна природа, Будизам, слонови, уникатни места заштитени од УНЕСКО, свила итн. Нашиот прв ден го започнуваме со дружење со најпознатите жители на овој магичен остров. Посетуваме резерват за слонови каде уживаме во дружењето со овие препаметни животни. Посетителите на ова село најчесто имаат прилика да ги хранат слоновите и да ги набљудуваат додека се капат во локалната река. Специфично за ова село е што слоновите се движат и по самите улици -- навистина магично искуство. Во Пинавала, постои можност, Вие самите да капете слон – прилика да направите неверојатни фотографии и спомени. Трансфер од Пинавала до Сигирија. Се сместуваме во нашиот хотел и имаме слободно време. Вечерта одиме во пре-кул ресторан и бар кој го чуваме како тајна уште од 2021 година, кога го откривме... :) Ноќевање.
Превоз
- Трансфер од аеродром до Пинавала
- Трансфер од Пинавала до сместување
Сместување
Flower Garden Eco Village 1 ноќ
Место
- Коломбо (Colombo)
- Сигирија
Факултативни излети
По појадокот се упатуваме кон Сигирија – лавовската карпа, камена тврдина со неверојатно културно наследство од античкиот период која е под заштита на УНЕСКО, еден од highlight-ите на Шри Ланка и едно од најуникатните места на #ЦелСвет кои го одземаат здивот. Правиме одлични фотографии под карпата, а потоа, се качуваме на врвот на истата. Од доле до врвот има 1200 скали, а качувањето трае околу 2 часа, во зависност од вашата кондиција, возраст и гужва на самиот локалитет. Од Сигирија, продолжуваме за Дамбула, каде ги посетуваме 5-те храма во пештера и Златниот Храм. Авантурата продолжува до Кенди. Попатно, правиме пауза за ручек и посетуваме плантажа (градина) со зачини и билки. Учиме за сите зачини и билки кои растат на овој остров -- дали знаевте дека циметот потекнува од Шри Ланка? Пристигнуваме во Кенди и се сместуваме во нашиот хотел. Вечерта, заедно со нашиот претставник правиме прошетка низ Кенди и седнуваме во некое ресторанче на вечера. Ноќевање.
Превоз
- Трансфер од Сигирија до Кенди
Сместување
Blinkbonnie Inn 1 ноќ
Место
- Сигирија
- Кенди (Kandy)
Храна
- Континентален појадок × 1
Факултативни излети
Потенцијално се будиме од звуци на мајмуни кои се шеткаат на нашите тераси :) Кенди е град во самото срце на островот, опколен со џунгла, а еден од неговите главни жители се макаки мајмуните. Со овие познати “палавковци“ се дружиме скоро секој ден. По појадокот, се упатуваме кон Храмот на Светиот Заб на Буда – едно од најсветите места на Будистите во #ЦелСвет. По посетата на храмот, одиме во посета на ботаничката градина Пераденија која е впрочем и најубавата ботаничка градина во Шри Ланка. По пат, застануваме и посетуваме плантажа и фабрика за чај – Damro Labookellie Tea Plantation. Неверојатни глетки. Во Нувара Елија ја посетуваме розевата пошта, која е заштитен знак на ова мало градче. Од Нувара Елија, се качуваме на воз и се упатуваме за Ела. Ова е една од најживописните линии со воз на #ЦелСвет која трае од 3.5 до 4 часа. Плантажи со чаеви, мали селца, џунгла, живописни мостови и тунели, водопади, планини... Авантура која никогаш нема да ја заборавите. Пристигнуваме во Ела. Градче лоцирано на 1000 метри надморска височина, опколено со планини, џунгла и водопади. Се сместуваме во нашиот хотел. Вечерта се симнуваме во центарот на градчето каде има неколку кул кафичи, а еден од нив, никогаш не затвара – работи 24/7. Ноќевање.
Превоз
- Трансфер од Кенди до Нувара Елија
- Возење со воз од Нувара Елија до Ела
Сместување
Ella Gap Panorama 1 ноќ
Место
- Кенди (Kandy)
- Ела
Храна
- Континентален појадок × 1
Факултативни излети
По појадок се спуштаме до мостот со 9 сводови – еден од најфотографираните местови на светот и нешто што може да се види на повеќето разгледници од Шри Ланка. Доколку стигнеме на време, ќе имаме шанса да го фотографираме мостот додека воз поминува по него. Потоа, одиме да планинариме до Малиот Адамов врв. Патеката воопшто не е тешка, а не води низ плантажи со чај, џунгла и преубава природа. Време е за релаксација -- го посетуваме еден од најпознатите денски клубови на Шри Ланка. Добредојдовте во Ravana Pool Club -- клуб инспириран од најдобрите денски клубови на Бали, тука има буквално сѐ -- ziplines, адреналинска лулашка, базен на повеќе спрата, бар, ресторан и што ли уште нѐ. Патот го продолжуваме до водопадот Равана – преубав водопад кој го носи името по лошиот демон Равана кој по Рамајаната, во пештерата позади овој водопад демонот ја криел саканата кралицата Сита. Оттука продолжуваме до Мириса -- најпознатата и најубавата плажа во Шри Ланка. Пристигнуваме во вечерните часови, се сместуваме и вечерта пиеме коктел или јадеме морско на плажа. Ноќевање.
Превоз
- Трансфер од Ела до Мириса
Сместување
Хотел со 3* во Мириса, Шри Ланка 1 ноќ
Место
- Ела
- Мириса
Храна
- Континентален појадок × 1
Факултативни излети
Авантурата ја почнуваме во рани зори :). Одиме на возење со катамарани по зелената лагуна. Се восхитуваме на природата на ова место. Потоа, посетуваме познат Будистички храм кој е достапен само преку езерото. Од таму, се упатуваме кон рудник за скапоцениот камен Moonstone (месечев камен), по кој Шри Ланка е надалеку прочуена. Овој скапоцен камен може да се најде само на ова место, тоест, овој рудник е единствен природен извор на Moonstone на целиот свет. Во близина, посетуваме и фарма на желки која се наоѓа во близина на Хикадува. Средбата со овие преубави суштества сигурно ќе ве расположи. На враќањето ќе имаме шанса да го посетиме музејот на жртвите на цунамито. Потоа одиме кон огромниот споменик кој Јапонија го има подигнато на местото каде што цунами има превртено воз пред неколку години, во кој се наоѓале преку 300 луѓе. Враќање во Мириса. Ноќевање.
Сместување
Хотел со 3* во Мириса, Шри Ланка 1 ноќ
Храна
- Континентален појадок × 1
Факултативни излети
По појадок се упатуваме кон еден од најубавите градови во Шри Ланка -- Galle, кој го краси Холандска архитектура и безброј мали уметнички галерии и тивки кафичи. Време е за посета на уште една од најубавите плажи Стигнуваме до плажата Унаватуна и се стационираме во Angels Beach Club, еден од најубавите beach барови во Шри Ланка, со прекрасна лулашка со ангелски крилја која дефинитивно ја имате видено на слики на социјалните медиуми. На само 5 минути по плажа се наоѓа и познатата Unawatuna Rope Swing, адреналинско искуство од кое ќе направиме стотици незаборавни фотографии! Завршуваме на заштитниот знак на Шри Ланка – рибарите во селото Велигама, кои ловат риби седејќи на стапови, сред море. После ова незаборавно доживување се враќаме кон нашето сместување во Мириса. Ноќевање.
Сместување
Хотел со 3* во Мириса, Шри Ланка 1 ноќ
Место
- Мириса
Храна
- Континентален појадок × 1
Факултативни излети
Овој ден е резервиран за посета на некои од најпознатите плажи на Шри Ланка. Започнуваме со плажата Хирикетија. Мал, скриен залив со златен песок, стотици палми и најтиркизниот Индиски океан. Седнуваме во beach бар или тренди кафуле, и уживаме на оваа плажа. Оттука продолжуваме кон плажата Тангале -- една од најегзотичните плажи на Шри Ланка. За да стигнеме до неа имаме кратка прошетка низ бујната тропска џунгла. Денот го завршуваме на “Coconut Tree Hill” – уште еден highlight на Шри Ланка кој може да се види на многу разгледници од оваа држава. Уживаме во прекрасните погледи и се враќаме назад во хотелот. Ноќевање.
Сместување
Хотел со 3* во Мириса, Шри Ланка 1 ноќ
Место
- Мириса
Храна
- Континентален појадок × 1
Факултативни излети
Правиме check-out од нашиот хотел имаме слободното време да уживаме во магијата на тропскиот остров и неговата најубава плажа! Сончање, масажи, овошје и морски плодови. Овој ден ви препорачуваме да ги посетите "Secret Beach" или "Turtle Beach" -- две скриени плажи кои се наоѓаат во непосредна близина на Мириса. Во доцните вечерни часови имаме трансфер од Мириса до аеродромот во Коломбо.
Превоз
- Трансфер од Мириса до аеродромот во Коломбо
Место
- Мириса
- Коломбо (Colombo)
Храна
- Континентален појадок × 1
Утрински лет со Turkish Airlines од Коломбо за Скопје со преседнување за Истанбул. Пристигнување во Истанбул, преседнување на лет за Скопје. Крај на нашата незаборавна експедиција на Шри Ланка.
Превоз
- Индивидуален авио билет со сите такси на релација Коломбо - Истанбул (Turkish Airlines), во економска класа со вклучен багаж
- Индивидуален авио билет со сите такси на релација Истанбул - Скопје (Turkish Airlines), во економска класа со вклучен багаж
Место
- Коломбо (Colombo)
- Истанбул
- Скопје
Поаѓања и цени
За повеќе информации за поаѓањето како цени, попусти, услови за плаќање, Ве молиме кликнете на полето со поаѓањето подолу
Вчитувам...
Сите уплати се вршат исклучиво во денарска противредност по курс од 62 денари за 1 евро и тоа: при пријавување се плаќаат 200€ (12.400,00 МКД) по лице. Преостанатиот дел се плаќа најдоцна 40 дена пред поаѓање. Можност за плаќање преку трансакциска сметка (на фактура) и со платежни картички Visa, Master, Maestro.
Препорачуваме рано пријавување на патници заради ограничениот број на места. При пријавувањето потребно е да се достави скренирана прва страница од патната исправа, која е валидна за датумот на патувањето (има важност минимум 6 месеци по датумот на враќање и има доволно празни страници во текот на патувањето), во спротивно агенцијата не одговара за печатење на авио билетот со погрешни податоци.
Што е вклучено
Сместување
Flower Garden Eco Village Пример 1 ноќBlinkbonnie Inn Пример 1 ноќ
Ella Gap Panorama Пример 1 ноќ
Хотел со 3 во Мириса, Шри Ланка Пример 4 ноќи
Превоз
- Индивидуален авио билет со сите такси на релација Скопје - Истанбул (Turkish Airlines), во економска класа со вклучен багаж.
- Индивидуален авио билет со сите такси на релација Истанбул - Коломбо (Turkish Airlines), во економска класа со вклучен багаж.
- Трансфер од аеродром до Пинавала
- Трансфер од Пинавала до сместување
- Трансфер од Сигирија до Кенди
- Трансфер од Кенди до Нувара Елија
- Возење со воз од Нувара Елија до Ела
- Трансфер од Ела до Мириса
- Трансфер од Мириса до аеродромот во Коломбо
- Индивидуален авио билет со сите такси на релација Коломбо - Истанбул (Turkish Airlines), во економска класа со вклучен багаж
- Индивидуален авио билет со сите такси на релација Истанбул - Скопје (Turkish Airlines), во економска класа со вклучен багаж
Храна
7 × Континентален појадокОстанато
- Целосен пакет на факултативни излети за Шри Ланка.
Не е вклучено
- Меѓународно здравствено осигурување (може да се уплати во агенцијата)
- Виза за Шри Ланка која изнесува 50$
Факултативни излети
Напомена! Термините и цените на факултативните излети се од информативен карактер и истите се променливи, а зависат од слободните термини по локалитетите, бројот на пријавени патници и други објективни околности.
Сместување
Flower Garden Eco Village
Blinkbonnie Inn
Ella Gap Panorama
Хотел со 3* во Мириса, Шри Ланка
Останати поаѓања за Шри Ланка
%20(21).png)
Корисни информации
Овде ќе најдете корисни информации за самата дестинација, како и некои совети за ова патување.
1. ОПШТИ ПОДАТОЦИ ЗА ЗЕМЈАТА
Демократска Социјалистичка Република Шри Ланка e островска земја во Јужна Азија. Го опфаќа островот Шри Ланка (во минатото нарекуван Цејлон), и неколку помали острови во Индиски океан, југоисточно од Индиски полуостров. Поголемиот дел од земјата опфаќа низини и ридести подрачја.
Површина на земјата: 65.610km2, 119. по големина во светот;
Број на жители: 19.607.519
Главен град: Colombo
Националност: Две најчести заедници се Синхалези, во главно будисти (75%0 и Тамили чиј регион традиционално е хиндуистички (18%). На островот живее и значајна сунитска муслиманска заедница (7%) чии припадници зборуваат на тамислки јазик.
Службен јазик: сингалешки и тамилски
2. ВИЗА
За државјаните на Р. С. Македонија визата е задолжителна за Шри Ланка. Цената на визата е 50$ и се вади online пред заминување на пат. Пасошот за време на патувањето мора да важи уште минимум 6 месеци, а визата се одобрува во рок од 24 часа од поднесување на барањето. Затоа, за вадење на виза се доволни 2 седмици пред поаѓање, а сите потребни информации ќе ги добиете во агенцијата. Апликацијата се пополнува на следниот линк: https://eta.gov.lk/slvisa/visainfo/center.jsp?locale=en_US
3. ВРЕМЕНСКА ЗОНА
UTC + 5:30, што значи 3:30 часа во однос на С. Македонија.
4. КЛИМА
Климата е монсунска. Реките Mahawelli, Bala и Gelani изобилуваат со вода само во периодот на дождови во годината. Тропската вегетација е многу бујна, е пешачките брегови се обраснати со мангрови. Годишната количина на дождови во југоисточните краишта изнесува околу 5.000мм, а во северните 1.000мм. Просечна годишна температура на надморска висина од 1.000м е 24.5, а во приморската рамнина 27.3 целзиусови степени.
5. ХРАНА И ПИЈАЛОК
Шри Ланка е надалеку позната по добрата кујна, особено зачините и претставува мешавина на тајландска, кинеска и индиска кујна. Можно е да најдете и западна храна - пица, сендвичи, паста, салата. Важно е да се напомене дека за пиење се употребува исклучиво флаширана вода. Секако препорачуваме да уживате во традиционалната кујна и да испробате свежа риба, кари, роти и класичната азиска кујна која се базира на ориз, риба, пилешко, свежо овошје и зеленчук. Добро е да знаете дека речиси секаде ставаат шеќер, и во цедените сокови, и во овошните салати, дури и во омлетот па ако не сте љубители на слатко внимавајте и нарачајте без шеќер. Кујната на Шри Ланка во поголемиот дел е под индиско влијание. Во внатрешноста на земјата најдобро е да ги пробате специјалитетите како роди (полнето тесто) и коту (измешани јајца со зеленчук и зачини). Во крајбрежниот дел секако препорака е да пробате разни видови на најсвежа риба (туна, баракуда, зубатац и сл.) и морски плодови (ракчиња, лигњи и сл.) Сите овие специјалитети се навистина евтини на Шри Ланка. Од слатки јадења вреди да се проба специјалитет од кокос во палачинки со пченка. Шри Ланка има и своја ракија од кокос наречена арак. Од алкохол, најмногу се пие пиво, ледено ладен Lion, кој особео годи на високата стапка на влага која владее на Шри Ланка.
6. ЗДРАВЈЕ
Најдобро е сами да се обратите во Институт за јавно здравје, но од нашето досегашно искуство нема потреба од вакцинација. Во секој случај, одлуката е ваша. На патниците секогаш им препорачуваме на далечните патувања да понесат пробиотици, лекови за покачена телесна температура за секој случај. Исто така, понесете и некое средство против убоди од комарци (Аутан).
7. ОСИГУРУВАЊЕ
Не е задолжително но е секако препорачливо. Можете да го уплатите во која било осигурителна компанија или во нашата агенција најдоцна 5 дена пред поаѓање.
8. ОБЛЕКА
Што се однесува до гардеробата, понесете летна облека и спакувајте што е можно помалку во багажот. Понесете и нешто по долги ракави и долги панталони поради авионите и посета на храмовите. Исто така секогаш советуваме во рачниот багаж да понесете малку гардероба во случај на загубен багаж. Сеоветуваме торбите да ги завиткате во заштитна фолија на аеродромот во Белград.
Во поголемиот дел од сместувањето постои можност за перење на алиштата која е евтина и ги пере сосема добро. Релативно се брзи, доколку им дадете денес, утре ќе биде подготвена за ново носење. Исто така можете и да купите се и сешто, од од кратки маици до костими за капење. Доколку се одлучите на потфатот качување на Адамов Врв (Шри Пада) тогаш неопходно е да имате и удобни патики за качување.
Во случај на евентуални дождови во текот н вашиот престој се препорачува да понесете чадор или кабаница.
9. ЛОКАЛНА ВАЛУТА
Можете да носите евра или долари. Односот е 1ЕУР = 347.25 рупии, а 1 долар изнесува околу 320 SLR. Постои можност За користење на платежни картички, пред се на банкоматите, но не треба премногу да се потпрете на тоа. Провизиите не се високи, но треба да проверите во матичната банка.
Доколку сепак одлучите да користите платежни картички, задолжително најавете заминување во странство во матичната банка, за да не дојде до блокирање на картичките.
10. КОМУНИКАЦИЈА
Нашите мрежи функционираат на Шри Ланка. Што се однесува до цената на роамингот, проверете на интернет страниците на Вашиот мобилен оператор. Можете да купите и локални картички кои не се скапи. Што се однесува до безжичниот интернет (wi-fi), конекцијата умее да биде побавна, но е сосема доволна за основна комуникација.
11. ТОПЛА ПРЕПОРАКА
Шри Ланка е сеуште неистражена туристичка мамка која секако се исплати да ја истражите. Позната е по зачините и зелениот чај. Препуштете се на авантура по поранешниот Цејлон, уживајте во насмеаното и срдечно население, опуштете се со најдобриот зелен чај на целиот свет и уживајте во природата која го одзема здивот. Со себе понесете мноштво зачини, од куркума и цимет до ванила, а на враќањето во Македонија оживејте ги мирисите на Шри Ланка во вашата кујна. Најчести сувенири од Шри Ланка се чаеви, зачини (пред се цимет), ајурведски природни лекови (креми, лосиони и сл.), фигури од мајмуни, Буда, слонови; регионот Негомба е познат по кожата (обувки, торби, колани), а во Хикадуви можете да најдете гардероба бидејќи постојат многубројни кројачки дуќани долж главните улици. Во Кенди можете да одите во шопинг на пазарите но и во стоковната куќа Одел.
Важни напомени
Ве молиме внимателно прочитајте ги овие напомени. Сметаме дека е исклучително важно нашите патници да бидат добро информирани, што овозможува помалку недоразбирања за време на патувањето и попријатно искуство.